“Барселона” “Атлетико” футболчисини харид қилса, Ансу Фати жамоадан кетишига тўғри келади 

“Атлетико” футболчиси Янник Ferreйра Карраско “Барселона”га ўца, Ансу Фати каталонияликлар сафини тарк этади.

Журналист Фабрисио Романинг хабар беришича, Каталония клуби Мемфис Депайнинг трансфери бўйича келишувда кўрсатилган Карраскони “Атлетико”дан имтиёзли сотиб олиш ҳуқуқидан фойдаланиш ёки фойдаланмаслик бўйича бир қарорга келмаган.

Агар “Барселона” ушбу имкониятдан фойдаланса, Ансу Фати клубдан кетишига тўғри келади. 

Айни дамда “Бавария” томонидан Фатига қизиқиш бўлмаган. “Манчестер Юнайтед” ҳам футболчи бўйича алоқага чиқмаган. Бироқ клублар ўртасидаги яхши алоқалар вазиятга таъсир этиши мумкин. 

Ёзда “Барселона” бир нечта футболчисини қўйиб юбориши талаб этилади. Ансу ҳам ушбу рўйхатдан жой олиши мумкин. 

20 ёшли футболчи жорий мавсум “Барселона”нинг барча мусобақалардаги 30 та ўйинида иштирок этиб, 6 та гол ва 3 та голли узатмага муаллифлик қилди.