“Айнтрахт” ва Франция терма жамоаси футболчиси Рандал Коло-Муани ёзда жамоани тарк этиши мумкин.
ЛъЭқуипе нашрининг хабарига кўра, 24 ёшли футболчига “Бавария”, “Ливерпуль” ва “Манчестер Юнайтед” клублари қизиқиш билдирмоқда.
Дастлаб немис жамоаси ҳужумчи учун 80 миллион евро олишга умид қилаётганди, бироқ французнинг жорий мавсумдаги муваффақиятли ўйинлари сабаб 100 миллион евродан камига сотмоқчи эмас.
Қайд этилишича, “Айнтрахт” Чемпионлар Лигаси ўйинларига йўлланма берувчи ўринларни эгалламаса, Коло-Муани жамоани тарк этади.
Рандал 2022 йил ёзида эркин агент сифатида немис клубига қўшилган эди. Унинг амалдаги шартномаси 2027 йилга қадар мўлжалланган. Коло-Муани жорий мавсум “Айнтрахт” сафида барча мусобақаларда 27 та ўйинда иштирок этиб, 12 та гол ва 11 та голли узатмага муаллифлик қилди.
Изоҳ (0)