Маълумки, қуёш нурини электромагнит тўлқинлари деб қараш мумкин. Квант назариясига асосан, электромагнит тўлқинларига нол массали элементар заррачалар – фотонлар деб қаралади.
Қуёш энергиясини фотоэлектрик энергияга қайта айлантириш асосида 1887 йилда Герц томонидан яратилган, ёруғлик фотонларинг баъзи бир металларнинг электронлари билан реакцияга киришуви натижасида электронлар маълум миқдордаги энергияга эга бўладилар. Мана шу энергиядан фойдаланган ҳолда қуёш энергиясидан тўғридан-тўғри электроэнергия олиш мумкин. Бу жараёнга фотоэффект ҳодисаси дейилади.
Шундай қилиб, фотоэлектр ячейкаларида ёруғлик нурланиш энергияси электр энергиясига айлантирилади. Фотоэлектр ячейкаларини тайёрлашда биринчи бўлиб моно ёки поликристалл кремнийдан фойдаланилган.
Кейинги вақтларда фотоэлектр ячейкалар аморф кремний, кадмий – теллурид ёки мис – индий-селиндан юпқа плёнкалар шаклида тайёрлана бошлади. Уларнинг фойдали иш коэффиценти қарийб 8 фоизни ташкил этади, бироқ моно ёки поликристалл кремнийдан тайёрланадиган фотоэлектр ячейкаларга қараганда тайёрланиши арзонроқдир.
Мамлакатимизнинг бир қатор туман ва шаҳарларни энергия тежовчи технологияларни жорий қилиш ва кичик қувватли қайта тикланувчи энергия манбаларини ривожлантириш, муқобил энергия манбаларини жорий қилиш ва ривожлантириш дастурлари ишлаб чиқилмоқда.
Хусусан, ҳукумат томонидан иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологияларни жорий этиш ва қайта тикланувчи энергия манбаларидан фойдаланишни ривожлантиришда давлат ва хўжалик бошқаруви органларининг роли оширилмоқда.
Бинобарин, Тошкент вилояти Оҳангарон шаҳрида “Оҳангарон келажак замин” бошқарув сервис компанияси (БСК) биносига қуёш панеллари ўрнатилди.
Ушбу қуёш панели 1 соатда 5 кв ишлаб чиқариш қувватига эга. БСК томонидан бир соатда 2 кв электр энергияни сарфласа, 3 кв тежаш имкониятига эгадир.
Бу эса, 3 квни кўп қаватли уйларнинг ёритиш чироқларига йўналтириш имконини беради.
Изоҳ (0)