“ПСЖ” футболчилари Серхио Рамос ва Килиан Мбаппе Лига 1 20-тури доирасида кечган “Монпелье”га қарши ўйинда (3:1) жароҳат олди.
Ҳар икки футболчи учрашувнинг биринчи бўлимида захирага олинган. Хабар қилинишича, Рамос сон мушакларидан жароҳат олган. Жароҳатнинг қай даражада жиддий экани номаълум.
Мбаппе эса тиззасини шикастлаб олган. Canal+ трансляциясида франциялик футболчи тиббиёт ходимларига тиззасини кўрсатиб “қаттиқ оғрияпти” дегани маълум бўлган.
Ҳимоячи ва форварднинг тикланиш муддатлари чуқурлаштирилган тиббий кўрикдан кейин маълум бўлади.
Парижликлар Чемпионлар Лигаси 1/8 финали доирасидаги “Бавария”га қарши дастлабки ўйинни 14 февралда ўтказади.