Италия Кубоги. “Рома” ўз майдонида мағлубиятга учраб, мусобақани тарк этди

Футбол бўйича Италия Кубогининг 1/4 финалида “Рома” 1 февраль, чоршанба куни “Кремонезе”ни меҳмон қилди.

Ўйинда “Кремонезе” 2:1 ҳисобида зафар қучди. Учрашувнинг 28-дақиқасида Дессерс пенальтидан унумли фойдаланиб, ҳисобни очди. 49-дақиқада Зеки Челик ўз дарвозасини ишғол қилди. 90+4-дақиқада Андреа Белотти гол уриб, ҳисобни қисқартирди. Бироқ бу гол римликларга кейинги босқичга чиқиш учун етарли бўлмади.

Шу тариқа Жозе Моуриньо жамоаси чорак финалда ўз юришини тўхтатишга мажбур бўлди.

Италия Кубоги

1/4 финал баҳси

1-феввар, чоршанба

“Рома” – “Кремонезе” 1:2

Голлар: 0:1 – 28 Дессерс (пенальти), 0:2 – 49 Челик (автогол), 1:2 – 90 Белотти.

“Рома”: Руй Патрисиу, Челик, Манчини (Смоллинг, 46), Кумбула (Матич, 46), Рожер, Кристанте (Залевски, 46), Пеллегрини, Волпато (Дибала, 46), Белотти, Тахирович (Абраҳам, 57), аш-Шаарави.

“Кремонезе”: Сарр, Бянкетти, Феррари, Айву, Гилоне, Мейте, Кастанетти (Галдамес, 83), Пикел (Бенасси, 64), Дессерс (Окереке, 46), Цажу (Чиофани, 67), Афена-Гян (Валери, 46).

Огоҳлантиришлар: Руй Патрисиу (26), Дессерс (28), Манчини (29), Айву (60), Феррари (62), Сарр (81).