Шавкат Мирзиёев 3 май куни Тошкент халқаро инвестиция форуми ва Хорижий инвесторлар кенгаши мажлиси доирасида АҚШ компанияларининг Ўзбекистондаги бизнесини кенгайтириш режаларини муҳокама қилди.
Президент матбуот хизматининг хабар қилишича, давлат раҳбари Америка-Ўзбекистон савдо палатаси раиси Керолин Лемм бошчилигидаги делегацияни қабул қилди. Учрашувда Air Products, CNH Industrial ва Silverleaf компаниялари раҳбарлари ҳам иштирок этди.
-Nqp-15H9.jpg)
Ўзбекистон-АҚШ стратегик шериклик муносабатларида юқори даражага эришилгани ҳамда палата мамлакатлар савдо-иқтисодий ва инвестициявий ҳамкорлигини ривожлантиришга салмоқли ҳисса қўшаётгани таъкидланди. Ўзаро савдо ва инвестициялар ҳажми барқарор ошмоқда, энергетика, қишлоқ хўжалиги, машинасозлик, озиқ-овқат саноати ва бошқа тармоқларда лойиҳалар муваффақиятли амалга оширилмоқда.
Керолин Лемм АҚШ ишбилармон доиралари номидан Шавкат Мирзиёевга икки мамлакат иқтисодий ҳамкорлигига шахсан эътибор қаратаётгани ва уни ҳар томонлама қўллаб-қувватлаётгани учун миннатдорлик билдирди.
-cZr8TUA_.jpg)
Америка тадбиркорларининг Ўзбекистондаги фаолиятни кенгайтириш, молиявий инструмент ва механизмларни ривожлантириш борасидаги илғор тажрибани жорий этиш ҳамда турли тармоқларда лойиҳаларни амалга ошириш бўйича аниқ режалари муҳокама қилинди.
2024 йилда Тошкентда АҚШнинг пешқадам компания ва банклари иштирокида бизнес форумини ўтказиш юзасидан келишувга эришилди.
Изоҳ (0)