Tata Steel Chess 2023. Нодирбек Абдусатторов сўнгги турдаги мағлубият сабаб мусобақани 2-ўринда якунлади. Жавоҳир Синдоров ўз гуруҳида учликдан жой олди

Нидерландия мезбонлигида ўтган Tata Steel Chess 2023 мусобақасида сўнгги тур баҳслари 29 январь, якшанба куни бўлиб ўтди.

Мастерс турнирида иштирок этган Нодирбек Абдусатторов 13-турда мезбон шахматчи Йорден ван Форестга қарши дона сурди. Оқ доналарда ҳаракат қилган Нодирбек мағлубиятга учради ва 8 очко (4 ғалаба, 8 дуранг, 1 мағлубият) билан мусобақани иккинчи ўринда якунлади.

Аниш Гири 8,5 очко билан мусобақа ғолибига айланди. Магнус Карлсен (8) эса кучли учликдан жой олди.

Қайд этиш керак, Абдусаттаров классик шахматдаги илк катта турнирида узоқ вақт давомида пешқадам бўлиб турди. У амалдаги жаҳон чемпиони Магнус Карлсенни мағлуб этишга эришди.

Tata Steel Chess 2023 Masters мусобақасида якуний жадвал қуйидаги кўринишни олди:

Challengers мусобақасида иштирок этган Жавоҳир Синдоров 13-турда ғалаба қозонди ва 8,5 очко билан учични ўринни қўлга киритди.