А Серия. “Наполи” турнинг марказий ўйинида “Рома”ни мағлуб этди

Футбол бўйича Италия чемпионатининг 20-турида “Наполи” ва “Рома” жамоалари 29 январь, якшанба куни ўзаро тўқнаш келди.

Учрашувнинг 17-дақиқасида Виктор Осимҳен неаполликларни олдинга олиб чиқди. Римликлар бунга 75-дақиқада Стефан аш-Шааравининг голи билан жавоб қайтарди.

86-дақиқада Жованни Симеоне “Наполи”нинг иккинчи голини урди. Қолган вақтда ҳисоб ўзгармади.

Ушбу ғалаба эвазига “Наполи” очколарини 53 тага етказиб олди ва якка пешқадамликда давом этмоқда.

20-тур ўйинларидан кейин мусобақа жадвали қуйидаги кўринишни олди:

А Серия

20-тур баҳси

29 январь, якшанба

“Наполи” — “Рома” 2:1

Голлар: 1:0 – 17 Осимҳен, 1:1 – 75 аш-Шаарави, 2:1 – 86 Симеоне.

“Наполи”: Мерет, Ди Лоренцо, Рраҳмани, Ким Мин Же, Мариу Руй (Оливeра, 69), Лоботка, Зелиньски (Ндомбеле, 90), Замбо-Ангисса, Лосано (Симеоне, 76), Осимҳен (Распадори, 76), Кварацхелия (Элмаз, 68).

“Рома”: Руй Патрисиу, Смоллинг, Манчини, Рожер, Спинаццола (аш-Шаарави, 46), Матич (Тахирович, 83), Кристанте (Волпато, 89), Пеллегрини (Бове, 83), Залевски, Дибала, Абраҳам (Белотти, 73).

Огоҳлантиришлар: Дибала (33), Осимҳен (68), аш-Шаарави (70).

“Лацио” — “Фиорентина” 1:1

Голлар: 1:0 – 8 Казале, 1:1 – 49 Гонсалес.