Илон Маскнинг Twitter ижтимоий тармоғидаги реклама харажатлари ўтган йилнинг декабрь ойида 2021 йилнинг шу ойига нисбатан 71 фоизга камайди. Бу ҳақда Стандард Медиа Индех тадқиқот компанияси маълумотларига таяниб, Reuters хабар берди.
Ноябрь—декабрь ойларида компания анъанавий равишда байрамлар олдидан ўз маҳсулотларини реклама қилиш орқали харажатларини кўпайтиришга қарамай, Twitter ноябрь ойида ўтган йилнинг шу ойига нисбатан рекламадан тушган даромаднинг 55 фоизини йўқотди ва декабрда бу йўқотиш 71 фоизга етди.
Маълумотларга кўра, бу платформа ҳозирда реклама берувчиларга бепул реклама жойлаштириш ва улар устидан кўпроқ назоратни таклиф қилиш орқали уларни қайтариб олишга ҳаракат қилмоқда.
Илон Маск Twitterъни сотиб олиш бўйича келишувни 27 октябрь куни якунлаб, компания учун 44 миллиард доллар тўлаган.
Шундан сўнг тадбиркор ижтимоий тармоқ ходимларининг ярмига яқинини ишдан бўшатди, қолганларни эса юқори интенсивлик билан ишлаш кераклиги ҳақида огоҳлантирди.
ОАВ хабарларига кўра, ушбу воқеалар фонида платформа фаолиятини сақлаб қолиш учун муҳим бўлган кўплаб ходимлар Twitterъни тарк этган.
Аввалроқ Twitterънинг кунлик даромади ўтган йилга нисбатан 40 фоизга камайгани ҳақида хабар берилганди.
Изоҳ (0)