Россиялик бизнесмен Роман Абрамович ва унинг шерикларига тегишли Британиянинг Трупҳоне телекоммуникация гуруҳи икки европалик тадбиркорга 1 фунт стерлингга сотилди. Бу ҳақда Financial Times хабар берди.
Нашр маълумотларига кўра, компаниянинг янги эгалари эски автомобиллар билан шуғулланувчи немис тадбиркори Хакан Кох ва унинг бизнес ҳамкори, авваллари телекоммуникация соҳаси билан боғлиқ бўлган Пиррос Кусиос.
Британия ОАВлари аввалроқ ёзганидек, компания активларининг 90 фоизи Кохга, 10 фоизи эса Кусиосга ўтиши керак.
Трупҳонеъни сотиш қарори Абрамовичга Буюк Британия ва Европа Иттифоқи ҳукуматлари томонидан киритилган санкциялар билан боғлиқ.
Қайд этилишича, у компания акцияларининг 23 фоизига эгалик қилган, қолган улушларнинг катта қисми унинг тоғ-металлургия компаниясидаги шериклари Александр Абрамов ва Александр Фроловга тегишли бўлган.
Битим Буюк Британия Бизнес, энергетика ва саноат стратегияси вазирлиги томонидан бир неча ой давомида миллий хавфсизлик ва инвестициялар тўғрисидаги қонунга мувофиқлиги бўйича ўрганилган.
The Daily Telegraph нашрининг ёзишича, Лондоннинг асосий ташвиши Кохнинг гўёки Россия билан алоқаси борлиги эди.
Financial Time маълумотларига кўра, Британия вазирлигидан рухсат ўтган ой олинган, ўтган ҳафта эса битим учун лицензия Қироллик Молия вазирлиги қошида фаолият юритувчи молиявий санкцияларни амалга ошириш идораси томонидан берилган.
“Биз ниҳоят ишга кириша оламиз. Ходимлар учун компания ёъналишини билмаслик жуда оғир эди. Мижозларимиз бизга жуда содиқ бўлишди ва энди ниҳоят уларга ҳамма нарса тайёрлигини айтишимиз мумкин”, — дейди Кох.
Компания ҳақида
Трупҳоне эСим технологиясини ишлаб чиқмоқда, бу сизга SIM-картангизни алмаштирмасдан турли провайдерларга уланиш имконини беради. Шунингдек, мобил телефонларда халқаро фойдаланиш учун мослашувчан маълумотлар режаларини сотади.
Аввалроқ Британия ОАВлари компания қиймати ярим миллиард фунт стерлингга (ҳозирги курс бўйича тахминан 615 миллион доллар) баҳолангани ҳақида ёзган эди.
Изоҳ (0)