Шавкат Мирзиёев 23 январь куни «Савдо-саноат палатаси фаолиятини янада такомиллаштириш бўйича қўшимча чора-тадбирлар тўғрисида»ги қарорни имзолади. Ҳужжат матни ЎзАда эълон қилинди.
Қарор аҳолини тадбиркорликка жалб қилишни жадаллаштириш, тадбиркорлик ташаббусини амалга ошириш учун қулай ҳуқуқий, иқтисодий ва ижтимоий шарт-шароитларни таъминлаш, тадбиркорлик субъектларининг халқаро ишбилармонлик ҳамжамиятига интеграциялашувини кенгайтириш борасидаги Савдо-саноат палатаси фаолиятини такомиллаштириш мақсадида қабул қилинган.
Ҳужжатга кўра, республика ҳудудларида «Тадбиркорлик хиёбонлари» ташкил этилади ва уларнинг рўйхати иловага мувофиқ тасдиқланади. Хиёбонлар тадбиркорлик субъектлари томонидан Савдо-саноат палатасига тўланган аъзолик бадаллари, жисмоний ва юридик шахсларнинг хайрия маблағлари ҳамда маҳаллий бюджетлар маблағлари ҳисобидан барпо этилади.
Ташкил этилаётган хиёбонларда:
- тадбиркорлар, банк вакиллари, инвесторларнинг бизнес лойиҳаларини муҳокама қилиш ҳамда «B2B» тадбирлари ва «коворкинг» фаолияти учун қулай шарт-шароитлар яратилади, Wi-Fi зоналар ташкил қилинади;
- фаол тадбиркорларнинг эришган натижаларини намойиш этиш мақсадида йил давомида кўргазмалар ўтказиб борилади;
- хиёбонлардаги бино-иншоотлар палатанинг ҳудудий бошқармалари балансига ўтказиб берилади.
Изоҳ (0)