Uzbekistan Airways Airbus авиақурилиш компанияси билан A320neo оиласига тегишли 12 та самолёт (саккизта A320neo ва тўртта A321neo) харид қилиш учун шартнома имзолаганини эълон қилди.
Маълум қилинишича, янги авиалайнерлар авиакомпаниянинг бугунги кунда 17 та Airbus А320 оиласига тегишли ҳаво кемаларидан иборат авиапаркига келиб қўшилади. Янги шартнома доирасида двигателларни танлаш кейинчалик авиакомпания томонидан буюртма қилинади.
Янг самолётлар Airbus Airspace салонига эга бўлиб, у йўловчиларга ҳаво транспорти бозорида юқори даражадаги қулайликни тақдим этади. Uzbekistan Airways янги самолётлардан йўналишлар тармоғини янада кенгайтириш учун фойдаланишни режалаштирмоқда.
«Airbus билан имзоланган шартнома авиакомпания паркини модернизация қилиш стратегиямизнинг янги босқичи бўлиб, йўловчиларга энг замонавий ва қулай ҳаво кемаларини таклиф қилишни давом эттиришга имкон беради. Шу билан бирга, A320neo оиласининг ушбу ҳаво кемалари бизга Марказий Осиё минтақасидаги мавқейимизни янада яхшилашга ва минтақа ичида ҳам, ундан ташқарида ҳам парвозлар харитасини сезиларли даражада кенгайтиришга ёрдам беради», — деган Uzbekistan Airways бошқарув раиси.
«Uzbekistan Airways билан ҳамкорлигимиз 1993 йилда бошланган. Авиакомпания авиапаркини кенгайтириш учун яна A320neo оиласига мансуб ҳаво кемаларини танлагани катта шараф. Биз Марказий Осиё минтақасида авиаташувлар бозори қандай ривожланаётганини кузатяпмиз. A320neo оиласининг замонавий ва самарали ҳаво кемалари Uzbekistan Airways компаниясига ушбу ўсишдан фойда олиш ва минтақада етакчи роллардан бирини эгаллаш имконини беради», — Airbus компанияси бош тижорат директори Кристиан Шерер.
A320neo оиласи ёнилғи тежамкорлиги CO2 (карбонат ангидрид) чиқиндиларининг камида 20 фоизини таъминлайдиган янги авлод двигателлари ва Sharklets каби сўнгги технологияларни ўз ичига олади. 130 дан зиёд мижозларнинг 8600 дан ортиқ буюртмаларини олган A320neo оиласи дунёдаги энг машҳур ҳаво кемаси ҳисобланади.
Мавзуга доир: Ўзбекистонда лоукостер форматидаги авиакомпания иш бошлади
Изоҳ (0)