Путиннинг душмани таҳдидли конверт ва ундаги ўқ сабабли ҳаётидан қўрқмоқда — ОАВ

Буюк Британияга қочиб кетган Федерал қидирув бюроси (ФҚБ) собиқ разведкачиси Борис Карпичков конвертда ўқ ва ўлим таҳдиди олганидан кейин ҳаёти хавф остидалигидан қўрқмоқда. Бу ҳақда The Mirror хабар берди.

Собиқ россиялик разведкачига юборилган мактубда қайтиш манзили сифатида Лондондаги Патни-Вейл крематорияси кўрсатилган. Мактуб «тез орада даҳшатли азобда қийноққа солиниб ўласан», деб бошланади. Карпичков уни на Британия полицияси, на хавфсизлик хизмати ҳимоя қилётганини айтган.

«Оилам ва менга ҳар доимгидан ҳам кўпроқ хавфсиз бошпана керак. Лекин улар уни таъминлаш учун пул сарфламайди», — деб тушунтирган у ва ҳар бир янги кун охирги бўлишидан қўрқиб, қўрқув ичида уйғонишини қўшимча қилган.

The Mirror нашри Карпичков Россия президенти Владимир Путиннинг мухолифларидан бири эканини таъкидлайди. Разведкачига юборилган хатда фақат Россия ФҚБга маълум бўлган код номи келтирилади. Мактубда «зайтун» сўзи ишлатилгани, бу жаргон сўз бўлиб, ўқ маъносини билдириши таъкидланади.

«Сиз ўша зайтунни пешонангдан — икки кўзинг орасида оласан. Британия полицияси ва разведка хизматлари сени ҳимоя қилмайди. Ҳамма жойда ишончли алоқаларимиз бор», — дейилади хатда.

Мавзуга доир: Путин ва Сталиннинг фобиялари бир хил: украиналик сиёсатшунос Россия президенти нимадан қўрқишини айтди