Россиянинг Нижний Новгороддаги муниципал болалар боғчаси қурилишида ишлаган ўзбекистонлик икки ишчи қулликдан қочишга муваффақ бўлди. Бу ҳақда «Альтернатив» қулликка қарши ҳаракатнинг Telegram’даги каналида маълум қилинди.
Ҳаракатга кўра, ўзбекистонлик икки эркак, Р.М ва Х.Х, 2022 йилда бир дўстининг таклифи билан Россияга ишлаш учун келган. Уларга ойига 800 доллар эвазига болалар боғчаси қурилишида ишлаш таклиф қилинган. Кейинчалик уларнинг телефони тортиб олган. Орадан бир неча ой ўтиб, ишлаш учун рухсатномаларини янгилаш чоғида Р.М ва Х.Х паспортларидан маҳрум бўлган, уларга пул тўлаш ҳам тўхтатилган.
Жабрланувчилар фаолиятини давом эттириши учун мунтазам равишда калтакланган, иш берувчилар ҳуқуқни муҳофаза қилиш органларига алоқадорликларини айтиб, уларга таҳдид қилган.
Masha Telegram’каналида ёзилишича, январь ойида йигитлар буюм ва кийимсиз қочишга қарор қилган. Кейинроқ «Альтернатива» кўнгиллилари уларни Москвадаги подъездлардан бирида музлаб қолган ҳолда топган. Ҳозирда жабрланувчилар учун вақтинчалик ҳужжатлар расмийлаштирилган, яқин кунларда улар уйларига қайтиши мумкин.
Бундан ташқари, йигитлар Қозонда меҳнат муҳожирларини турли ҳудудларга тарқатадиган марказ борлиги, уларда ҳам шундай воқеалар кузатилишини айтган.
Мавзуга доир: Мексикада гаровда ушланган етти нафар ўзбекистонлик қутқарилди (фото)
Изоҳ (0)