Buyuk Britaniyaga qochib ketgan Federal qidiruv byurosi (FQB) sobiq razvedkachisi Boris Karpichkov konvertda o‘q va o‘lim tahdidi olganidan keyin hayoti xavf ostidaligidan qo‘rqmoqda. Bu haqda The Mirror xabar berdi.

Sobiq rossiyalik razvedkachiga yuborilgan maktubda qaytish manzili sifatida Londondagi Patni-Veyl krematoriyasi ko‘rsatilgan. Maktub “tez orada dahshatli azobda qiynoqqa solinib o‘lasan”, deb boshlanadi. Karpichkov uni na Britaniya politsiyasi, na xavfsizlik xizmati himoya qilyotganini aytgan.

“Oilam va menga har doimgidan ham ko‘proq xavfsiz boshpana kerak. Lekin ular uni ta’minlash uchun pul sarflamaydi”, — deb tushuntirgan u va har bir yangi kun oxirgi bo‘lishidan qo‘rqib, qo‘rquv ichida uyg‘onishini qo‘shimcha qilgan.

The Mirror nashri Karpichkov Rossiya prezidenti Vladimir Putinning muxoliflaridan biri ekanini ta’kidlaydi. Razvedkachiga yuborilgan xatda faqat Rossiya FQBga ma’lum bo‘lgan kod nomi keltiriladi. Maktubda “zaytun” so‘zi ishlatilgani, bu jargon so‘z bo‘lib, o‘q ma’nosini bildirishi ta’kidlanadi.

“Siz o‘sha zaytunni peshonangdan — ikki ko‘zing orasida olasan. Britaniya politsiyasi va razvedka xizmatlari seni himoya qilmaydi. Hamma joyda ishonchli aloqalarimiz bor”, — deyiladi xatda.

Mavzuga doir: Putin va Stalinning fobiyalari bir xil: ukrainalik siyosatshunos Rossiya prezidenti nimadan qo‘rqishini aytdi