Ўзбекистонлик гроссмейстер Нодирбек Абдусатторов (2731) Нидерландияда бўлиб ўтаётган Tata Steel Chess 2023 мусобақасида Магнус Карлсенни (2846) мағлубиятга учратди.
Абдусатторов FIDE рейтингидаги очколари сонини 2731 га етказди ва бу борада Ўзбекистон шахмати тарихидаги энг яхши натижани қайд этди. Нодирбек Рустам Қосимжоновнинг (2678) кўрсаткичини янгилади. Қосимжонов 2015 йилда 2715 натижа қайд этганди.
Карлсен мазкур мусобақа доирасидаги иккинчи мағлубиятини қабул қилиб олди. Аввалроқ норвегиялик гроссмейстер Аниш Кумар Гирига ютқазиб қўйганди. Амалдаги жаҳон чемпиони 2015 йилдан кейин илк бор бир мусобақа доирасида икки марта ютқазди.
Абдусатторов мусобақада бешта турда 4 очко тўплаган ҳолда пешқадам бўлиб турибди. 20 январь куни 18 ёшли ўзбекистонлик шахматчи 3 очко билан учинчи ўринда бораётган Ҳиндистон вакили Рамешбабу Праггнанадҳага (2684) қарши дона суради.
Изоҳ (0)