Бугун,

  • USD 11095.31
  • RUB 173.84
  • EUR 10772.44

FTX криптобиржаси қулаганидан кейин Genesis ҳам банкротлик тўғрисида ариза берди. Бу ҳақда Bloomberg хабар берди.

Фото: Bloomberg

Фото: Bloomberg

Таъкидланишича, Genesis банкротлик тўғрисида ариза бериб, FTX’дан кейин муваффақиятсизликка учраган сўнгги компанияга айланди. Агентлик маълумотларига кўра, Genesis FTX билан ҳамкорлик қилган.

Криптовалюта биржасининг бош компанияси Digital Currency Group Genesis’ни сақлаб қолишга ҳаракат қилди. Хусусан, у инвесторларни жалб қилишга ва ноябрь ойида ходимларининг 30 фоизини қисқартиришга уринди. Аммо «катта ҳажмдаги пул сўровлари» криптовалюта биржасини банкротликка олиб келди.

2022 йил ноябрь ойи бошида FTX банкротлик тўғрисида ариза берганини ва унинг раҳбари Банкмен-Фрид истеъфога чиққанини эълон қилди.

Декабрь ойида қимматли қоғозлар бозорини тартибга солувчи назорат органи бўлган АҚШ Қимматли қоғозлар ва биржа комиссияси Банкмен-Фридни инвесторларни алдашда айблади.

Агентлик криптобиржаси инвесторлардан 1,8 миллиард доллар олганини, кейин эса бу маблағлар тадбиркорга тегишли бўлган хусусий тўсиқ фондига ўтказилганини даъво қилди.

Банкмен-Фрид декабрь ойида Багама оролларида Вашингтон талаби билан ҳибсга олинган эди.

Тадбиркор АҚШга экстрадиция қилинишига рози бўлгач, орол давлати расмийлари унинг экстрадициясига рухсат берди.

CNN маълумотларига кўра, агар Банкмен-Фрид айбдор деб топилса, у 115 йилгача қамоқ жазосига ҳукм қилиниши мумкин.

Мавзуга доир: Энг йирик криптовалюта кредиторларидан бири Genesis банкротликка яқин — WSJ

Изоҳ
Асосий янгиликлар
Дунё
Америкалик миллиардернинг террорчига айланган набираси, Атлантикада тўқнашиб кетган икки сув ости кемаси ва АҚШнинг биринчи президентига айланган Вашингтон. Кун хр...
Дунё
Францияда поездда кетаётган йигит ўзини портлатиб юбориш билан таҳдид қилди
Спорт
“Барселона” MLS вакилини рўйхатдан ўтказишда 18 сония кеч қолган