Саудия Арабистонининг «Ан-Насср» клуби топ-футболчиларга қизиқиш билдиришда давом этмоқда.
Diario Sport нашрининг хабар қилишича, араб клуби «Барселона» ярим ҳимоячиси Серхио Бускетсни ёзда эркин агент мақомида ўз сафига қўшиб олишни истаган. «Ан-Насср» футболчига йилига 20 миллион евро маош таклиф қилган.
Бироқ Бускетс саудияликларнинг бу таклифига рад жавобини берган, дея хабар қилмоқда Cаталуня Радио.
34 ёшли футболчининг «кўк-анорранглилар» билан амалдаги шартномаси ушбу ёзда ўз ниҳоясига етади. Бускетс жорий мавсум Ла Лигада 14 та ўйин ўтказиб, битта голли узатма муаллифига айланди.
Аввалроқ Ар-Риёд клуби Криштиану Роналдуни ўз сафига қўшиб олганди. Шунингдек, «Ан-Насср» дарвозабон Кейлор Навас («ПСЖ»), ярим ҳимоячи Эден Азар («Реал») ва бошқа қатор юлдузларга қизиқиш билдираётгани айтилганди.
Мавзуга доир:
- Роналдунинг «Ан-Насср»даги таништирув маросими 3 млрд аудитория тўплаган. Бу ЖЧ—2022 финалидан 1 миллиардга кўп
- Криштиану Роналду: Чемпионатнинг жуда кўп ўйинларини кўрдим. Мен рақобатбардош лигага ташриф буюрдим
- Месси ва Мбаппе Роналдуга қарши. «ПСЖ» январда Криштианунинг янги жамоасига қарши ўртоқлик ўйини ўтказади
Изоҳ (0)