Лондоннинг «Челси» жамоаси маошлар фондини пасайтирмоқчи.
The Athletic нашрининг хабарига кўра, «аристократлар»нинг янги футболчиси Михаил Мудрик ҳафтасига 97 минг фунт (110 минг евро атрофида) маош олади.
Мудрик билан 2030 йилга қадар шартнома имзоланган (шунингдек, яна бир йилга узайтириш ҳуқуқи билан) ва ўша вақтга қадар футболчи агар маошни оширган ҳолда шартнома янгиламаса, йилига 5 миллион фунт (5,7 миллион евро) ишлаб топади.
2022 йил ёзида «Челси»га ўтган Раҳим Стерлинг деярли 3 баравар кўп маош олади. Рубен Лофтус-Чик ва Каллум Ҳадсон-Одоилар ҳафтасида 150 ва 120 минг фунт олади. Бу иккала футболчи аввалги раҳбарлар даврида ҳам шундай юқори маош олган.
Мудрик билан шартнома имзоланиши, «Челси» хўжайинлари маошларни камайтириш бўйича узоқ муддатли режа қилишига ишора бўлди.
Изоҳ (0)