Британиянинг Bradt Travel Guides сайёҳлик қўлланмалари нашриёти 2023 йил учун энг яхши саёҳат йўналишлари рўйхатини эълон қилди, улар орасида Қорақалпоғистон ва Самарқанд ҳам бор.
«2023 йилда Самарқандда Жаҳон туризм ташкилоти Бош ассамблеяси ўтказиладиган вақтда барчанинг эътибори Ўзбекистонга қаратилади», — дейди Bradt Travel Guides.
Нашриёт қайд этишича, мазкур тадбир Ўзбекистоннинг Буюк Ипак йўлида жойлашган шаҳарлари ва UNESCO’нинг Бутунжаҳон мероси объектлари билан танишиш учун ажойиб имкониятдир.
Британия нашриёти Самарқанднинг диққатга сазовор жойлари қаторида Регистон майдони, Бибихоним масжиди, Шоҳи Зинда мемориал мажмуаси кабиларни тилга олди. Bradt Guides тарихий диққатга сазовор жойлар билан бир қаторда ёзда Ўзбекистонда бўлиб ўтадиган Марказий Осиёнинг энг йирик электрон мусиқа фестивали (Stihia)ни ҳам эслатиб ўтди.
Нашриёт Қорақалпоғистоннинг Мўйноқ шаҳридаги янги аэропорт Тошкентга ҳафтасига учта рейсни амалга ошираётганини таъкидлаб, ундан Самарқандга осон жўнаш мумкинлигини қайд этди.
Изоҳ (0)