“Дарё” таҳририятига Сурхондарё вилояти Олтинсой туманида истиқомат қилувчи Муяссар Ёълдошева мурожаат қилиб, оққон хасталигига чалинган фарзанди Элбек Эргашев учун моддий ёрдам сўради.
8 ёшдаги Элбек бир неча ойдан буён Республика гемотологиясининг болалар бўлимида даволаняпти. Унда оққоннинг омеля тури аниқланган.
— Аввал фарзандим саломатлигидан шикоят қилмасди. Ўтган йилнинг июль ойида бурни қонайдиган бўлиб қолди, бирдан иштаҳаси ҳам йўқолди. Уни Самарқандга олиб бориб даволатдик. Аҳволи анча яхшилангандек бўлди.
Аммо бир неча кундан кейин яна ранги сарғайиб, қайт қиладиган бўлиб қолди. Қулоғи оғриб, лимфа тугунлари шишиб кетди. Термизда қонидан касалликни аниқлаб беришолмагач, Тошкентга келдик. Яқинлар кўмагида 650 АQSҲ доллари тўплаб, қон таҳлилларини Ҳиндистонга жўнатдик.
Ўғлимнинг аҳволи жуда оғир. Ҳар ойда юқори дозада кимё-терапия олади. Муолажадан сўнг ҳамма ери зирқираб оғрийди, кечаси билан йиғлаб чиқади.
Турмуш ўртоғим Олтинсой туманидаги мактабда жисмоний тарбия ўқитувчиси бўлиб ишларди.Икки ярим миллион ойлик билан болани даволатолмаганимиздан кейин ишини ташлаб,Тошкентга келди. Ҳозир кунлик ва қурилиш ишларида ишлаяпти. Аммо топган пули болани даволатишга етмаяпти. Сентябрь ойида таниш-билишлардан қарз олиб Тошкентга келгандик. Ундан кейин икки марта 30 миллион сўмдан кredит ҳам олдик. Дорилар жуда қиммат, бир нечта дорихоналардан қарзга дори олишга мажбур бўлганмиз.
Боламнинг соғайиб кетишига умид бор, аввалгидан аҳволи анча яхшиланган. Яхшилар, унинг соғайиб кетишига ёрдам беринглар. Ўғлимнинг яна мактабга боришини жуда истайман", — дейди Элбек Эргашевнинг онаси.
Элбек Эргашев Ойбековичга моддий кўмак беришни истасангиз:
Пластик карта отаси Хасанов Ойбек Эргашович номига очилган: 8600 0423 8216 9463
Оила билан боғланиш учун: (90) 4110383
Изоҳ (1)
Olloh shifo bersin