«Дарё»га Навоий вилояти Навоий шаҳрида яшовчи Зумрад Исакова мурожаат йўллаб, 70 ёшли онаси Зухра Исакова учун ёрдам сўраган. Аёлга ичак осилиши ва ичак инфекцияси ташхиси қўйилган. Ҳар уч ойда даволанаётган Зухра Исакова сўнгги бир ойдан бери ички қон кетиши натижасида жарроҳлик амалиётига муҳтож.
«Онажоним 5-6 йилдан буён Ичак инфекцияси ва ичак осилиш ташхиси билан қийналмоқда. Сиздан имконингиз бўлса моддий, бўлмаса дуоларингиз билан ёрдам беришингизни сўраб мурожаат қиляпман. Йилда ҳар уч ой даволансалар-да, охирги беш ойда аҳвол оғирлашиб бир ойдан буён ичидан қон кетиш бошланган. Ичларидан қон келади, зудлик билан операция қилинмаса ичак инфекцияси қонга ўтиб, танани заҳарлар экан.
Онажоним ҳозирда фақат сув ва сут ичадилар. Овқат ейишдан қўрқиб қолганлар: «Ичакларим осилиб тушиб қолади», — деб ўйлайди.Шифокорларнинг айтишича, Зухра Исакова бутунлай тузалиб кетиши учун жарроҳлик йўли билан операция қилиш керак. Аёл етмиш ёшдалиги ва юраги кенгайгани сабаб Навоийда бу амалиёт ўтказилмаслиги айтилган. Бу каби операция пойтахтда кучли мутахассислар томонидан ўтказилади.
«Навоийда бу амалиёт учун 40 миллион сўм маблағ керак бўлиши айтилди, аммо бизда бунча пул йўқлиги сабаб операция учун олиб боролмаяпмиз».
Зумрад Исакова ҳозирда 2 та фарзанди ва онаси билан яшайди, турмуш ўртоғи вафот этган. Онам 1 200 000 сўм нафақа олади, менга эса 700 минг сўм миқдорда боқувчисини йўқотганлик нафақаси берилади. Айни пайтда онамга қарайман, ишсизман. Ўғлим 10 ёш, қизим 4 ёшда. Бўш вақтларим уйда чучвара, дўлма тугиб сотаман. Мавсумга қараб, қўшниларга компот ва тузламалар ёпиб бериб, пул топаман.
Ҳеч биримизни онажонимиз «оҳ» чекмасин. Аллоҳ йўлида ёрдамингизни аяманг, илтимос. Мени емай едирган, киймай кийдирган, ҳалол меҳнатда ҳам она, ҳам ота бўлган онажонимга ёрдам беринг», — дейди Зумрад Исакова.
Исакова Зухрага хайрия қилиш учун маълумотлар:
Пластик карта Зухра Исакованинг номига очилган
Uzcard: 8600 0610 9969 1379 Боғланиш учун: +998 91 336 72 42
«Меҳридарё» лойиҳаси учун мурожаатлар @mehri_daryobot орқали қабул қилинади.
Изоҳ (0)