“Daryo” tahririyatiga Surxondaryo viloyati Oltinsoy tumanida istiqomat qiluvchi Muyassar Yo‘ldosheva murojaat qilib, oqqon xastaligiga chalingan farzandi Elbek Ergashev uchun moddiy yordam soʻradi.
8 yoshdagi Elbek bir necha oydan buyon Respublika gemotologiyasining bolalar boʻlimida davolanyapti. Unda oqqonning omelya turi aniqlangan.
— Avval farzandim salomatligidan shikoyat qilmasdi. Oʻtgan yilning iyul oyida burni qonaydigan boʻlib qoldi, birdan ishtahasi ham yoʻqoldi. Uni Samarqandga olib borib davolatdik. Ahvoli ancha yaxshilangandek boʻldi.
Ammo bir necha kundan keyin yana rangi sargʻayib, qayt qiladigan boʻlib qoldi. Qulogʻi ogʻrib, limfa tugunlari shishib ketdi. Termizda qonidan kasallikni aniqlab berisholmagach, Toshkentga keldik. Yaqinlar koʻmagida 650 AQSH dollari toʻplab, qon tahlillarini Hindistonga joʻnatdik.
Oʻgʻlimning ahvoli juda ogʻir. Har oyda yuqori dozada kimyo-terapiya oladi. Muolajadan soʻng hamma yeri zirqirab ogʻriydi, kechasi bilan yigʻlab chiqadi.
Turmush oʻrtogʻim Oltinsoy tumanidagi maktabda jismoniy tarbiya oʻqituvchisi boʻlib ishlardi.Ikki yarim million oylik bilan bolani davolatolmaganimizdan keyin ishini tashlab,Toshkentga keldi. Hozir kunlik va qurilish ishlarida ishlayapti. Ammo topgan puli bolani davolatishga yetmayapti. Sentabr oyida tanish-bilishlardan qarz olib Toshkentga kelgandik. Undan keyin ikki marta 30 million soʻmdan kredit ham oldik. Dorilar juda qimmat, bir nechta dorixonalardan qarzga dori olishga majbur boʻlganmiz.
Bolamning sogʻayib ketishiga umid bor, avvalgidan ahvoli ancha yaxshilangan. Yaxshilar, uning sogʻayib ketishiga yordam beringlar. Oʻgʻlimning yana maktabga borishini juda istayman", — deydi Elbek Ergashevning onasi.
Elbek Ergashev Oybekovichga moddiy koʻmak berishni istasangiz:
Plastik karta otasi Xasanov Oybek Ergashovich nomiga ochilgan: 8600 0423 8216 9463
Oila bilan bogʻlanish uchun: (90) 4110383
Izoh (1)
Olloh shifo bersin