Lifehacker нашри тақдим этган усуллар кийимлардаги ёғ доғларини тозалашга ёрдам беради.
- Қуриб қолган доғларга қараганда янги доғлардан халос бўлиш осонроқ. Шунинг учун тозалашни кечиктирмаслик керак.
- Аввал доғни алоҳида тозаламасдан кир машинасида ювмаслик лозим. Акс ҳолда доғни кетказиш анча қийинлашади.
- Ҳар қандай доғни тозалаш аввал кийимнинг кўзга ташланмайдиган жойида текширилиши керак. Шундагина матонинг ранги зарар кўрмаслигига ишонч ҳосил қилиш мумкин.
- Агар танланган маҳсулот доғни бартараф эта олмаса, аввалгисини сув билан озгина ювиб, бошқасини синаб кўриш лозим.
Бу энг самарали усуллардан биридир. Суюқлик доғ юзасига суртилади ва 10-15 дақиқа ёки ундан кўпроқ вақтга қолдирилади. Кейин кир ювиш машинасида ювилади.
Кирсовун
Иссиқ сув ёрдамида доғ яхшилаб совунланади ва камида 2 соатга қолдирилади. Кейин буюм қўлда ёки машинада ювилади.
Бўр
Бўр майдаланади, у доғ юзасига сепилади ва бир соатга қолдирилади. Сўнгра ювилади.
Тиш тозалаш кукуни
Доғли жойга тиш тозалаш кукуни сепилади. Устига қоғоз салфетка қўйиб, дазмолланади. Жараён бир неча марта такрорлангач бир кечага қолдирилади ва ювилади.
Туз ва истеъмол содаси
Агар доғ ҳали қуришга улгурмаган бўлса, уни туз билан яхшилаб ишқалаш мумкин. Туз ёғни шимиб олади. Уни вақти-вақти билан янгилаш ва доғ йўқолгунча артиб туриш керак.
Қуриган доғга қарши туз ва сода аралашмасидан фойдаланиш ҳам мумкин. 1 чой қошиқда туз ва сода олиниб, 150 мл қайноқ сувда эритиб олинади, эритма доғли жойга суртилади ва бир соатга қолдирилади. Кейин кир ювиш машинасида ювилади.
Крахмал ва сут
50 мл сутда 4 ош қошиқ картошка крахмали суюлтирилади. Аралашма доғ устига суртилади ва қуритиш учун бир кечага қолдирилади. Кейин масса нам губка билан ишқаланиб, сув остида тозаланади ва яхшилаб ювилади.
Талк
Доғ устига қалин талк суртилади ва бир неча соат ёки бир кечага қолдирилади. Кейин кийимни ювмаса ҳам бўлади, шунчаки талк сепилган жойни яхшилаб силкитиш кифоя.
Изоҳ (0)