Нима учун банк картаси рақами 16 хоналик сондан иборат бўлади?

Марказий банкнинг «FinLit» лойиҳаси нима учун банк картаси рақами 16 хоналик сондан иборат бўлиши ҳақида маълумот берди.

Банк картаси рақами ҳар бири 4 та рақамдан иборат 4 та блокка бўлинган 16 та сондан ташкил топган бўлади. Банк картасидаги соннинг ҳар бир рақами ўзига хос маънога эга.

Биринчи 6 та рақам эмитентнинг (банкнинг) банк идентификатори бўлиб, маълум бир тўлов тизими томонидан ўзига тегишли тўлов картаси учун маълум бир банкка тақдим этадиган рақам.

Банк индентификатори орқали карта турини ва унинг тўлов тизимини осонлик билан аниқлаш мумкин. Ушбу сонлар ҳар доим банк картаси қайси тўлов тизимига тегишли эканлигини кўрсатади.

7 дан 15 гача бўлган сонлар банк картасининг идентификация рақами ҳисобланади. У банк картасининг тури (дебит ёки кредит карта), қайси валютадалиги, чиқарилган ҳудуд ва бошқа маълумотларни ўзида сақлайди.

Охирги 16-рақам текширув рақамидир. У орқали муайян алгоритмга кўра карта сони ва тасдиқлаш рақамининг мувофиқлиги текширилади, бу эса банк картаси рақамининг тўғрилигини аниқлаш имконини беради.

Мавзуга доир: Виртуал карталар нима ва улардан қандай қилиб тўғри фойдаланиш мумкин?