Англия Премер Лигаси клублари афсонавий футболчи Пеле хотирасига ҳурмат бажо келтиради.
30 декабрь ва 1 январь куни бўлиб ўтадиган АПЛнинг 18-тур баҳслари бир дақиқалик қарсаклар билан бошланади. Футболчилар ва расмий шахслар мотам белгисини билдирувчи боғичларни тақади.
82 ёшли Пеле 29 декабрь куни оғир хасталикдан сўнг вафот этди.
Бразилиялик футболчи 2021 йил сентябрь ойида саратон туфайли жарроҳлик амалиётини бошидан ўтказган эди. 2022 йил бошида Пеле кимётерапия амалиётини ўтаган. Сўнгги вақтларда унга кимётерапия ҳам ёрдам бермаётгани, унинг аҳволи ёмонлашаётгани хабар қилинганди.
Изоҳ (0)