Камбоджадаги меҳмонхона-казинода содир бўлган ёнғин оқибатида ҳалок бўлганлар сони 19 кишига етди, деб хабар бермоқда Associated Press маҳаллий ҳокимиятга таяниб.
Ёнғин Пойпет шаҳридаги Grand Diamond City меҳмонхонаси ва казиносида 28 декабрь куни бошланган ва фақат эртаси куни уни ўчиришга муваффақ бўлинган. Ҳодисада жами 19 киши ҳалок бўлди. Яна 60 киши жароҳатланди. Шу билан бирга қурбонлар сони ортиши мумкинлиги айтилмоқда. Аввалроқ ўн киши ҳалок бўлгани хабар қилинганди.
Ёнғин содир бўлган вақтда меҳмонхонада 50 нафар Таиланд фуқароси бўлган. Пойпет шаҳри Камбоджа ва Таиланд чегарасида жойлашган. Таиландда казинолар ноқонуний ҳисобланади, шунинг учун мамлакат фуқаролари ўйин учун Камбоджага ташриф буюради. Ёнғин содир бўлган казинога чегарадан пиёда бориш мумкин.
Изоҳ (0)