Стратегик ислоҳотлар агентлиги бош директорига 24 декабрь куни ўринбосарлар тайинланди. Бу бўйича президент фармони имзоланди.
Қайд этилишича, Абдулла Абдуқодиров президент ҳузуридаги Стратегик ислоҳотлар агентлиги бош директорининг биринчи ўринбосари лавозимига, Акбар Мусаев ва Рустам Азизов агентлик бош директорининг ўринбосари лавозимига тайинланган.
Маълумот ўрнида, агентлик бош директори ва унинг ўринбосарлари президент томонидан лавозимига тайинланади ва лавозимидан озод этилади.
2022 йил сентябрда Шавкат Мирзиёевнинг тегишли фармони билан Стратегик ривожланиш агентлиги негизида президент ҳузуридаги Стратегик ислоҳотлар агентлиги ташкил этилган. Президентнинг шахсан раислигида агентлик кенгаши тузилган.
Изоҳ (0)