«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 12-сони мавзуси «Жамоат транспорти муаммолари» бўлиб, дастур меҳмони сифатида иқтисодчи Отабек Бакиров таклиф этилди.
Метрода жуда кўп талабалар чипта олиш учун кассада навбатда туради. Ваҳоланки, улар инновациялар билан ҳамнафас яшаяпти. Ҳалигача менга тушунарсиз, нима учун доимий равишда жамоат транспортида юрадиганлар АТТО ёки Humo карталаридан фойдаланмайди? Ҳаммамизга арзон ва осон бўлган йўл бор, АТТО, Humo, ҳаттоки Uzcard ҳам контактсиз тўлов амалга оширадиган карталар чиқаряпти. Жуда кўп банклар Humo карталарини бепулга эмиссия қилиб беряпти.
Вокзал, аэропорт ва метро бекатларида картоматлар ўрнатиш имкониятини ҳам ўйлашимиз керак. Масалан, банкларда операторга ариза ёзиб ўтирмасдан, махсус қурилмага паспортни шундоқ қўйсангиз, карта чиқариб беради. Худди шундай, АТТО карталарини ҳам чиқариб берадиган нуқталар ташкил этишимиз керак, назаримда, — дейди Отабек Бакиров.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)