“Aeroport, vokzal va metroga kartomatlar o‘rnatish kerak”. Iqtisodchi Otabek Bakirov jamoat transportidagi chipta masalasi haqida gapirdi

“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 12-soni mavzusi “Jamoat transporti muammolari” bo‘lib, dastur mehmoni sifatida iqtisodchi Otabek Bakirov taklif etildi.

Metroda juda ko‘p talabalar chipta olish uchun kassada navbatda turadi. Vaholanki, ular innovatsiyalar bilan hamnafas yashayapti. Haligacha menga tushunarsiz, nima uchun doimiy ravishda jamoat transportida yuradiganlar ATTO yoki Humo kartalaridan foydalanmaydi? Hammamizga arzon va oson bo‘lgan yo‘l bor, ATTO, Humo, hattoki Uzcard ham kontaktsiz to‘lov amalga oshiradigan kartalar chiqaryapti. Juda ko‘p banklar Humo kartalarini bepulga emissiya qilib beryapti.

Vokzal, aeroport va metro bekatlarida kartomatlar o‘rnatish imkoniyatini ham o‘ylashimiz kerak. Masalan, banklarda operatorga ariza yozib o‘tirmasdan, maxsus qurilmaga pasportni shundoq qo‘ysangiz, karta chiqarib beradi. Xuddi shunday, ATTO kartalarini ham chiqarib beradigan nuqtalar tashkil etishimiz kerak, nazarimda, — deydi Otabek Bakirov.

Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.