«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 12-сони мавзуси «Жамоат транспорти муаммолари» бўлиб, дастур меҳмони сифатида иқтисодчи Отабек Бакиров таклиф этилди.
Транспорт вазири Илҳом Маҳкамов, бош вазир ўринбосари Очилбой Раматовлар муаммоли манзилларга бир бориб кўрсин. Қўл бошқаруви ҳам керак, профессионаллар токи муаммони англаб ечим топгунича, раҳбарлар тезроқ ҳал қилади, ишлар тезроқ битади. Чунки уларнинг қўлида ўн минглаб ижрочи ва ресурслар бор. Бу давомий бўлиши учун эса тизимлаштириш ва молиялаштириш керак.Биз ҳозир давлат раҳбари топшириғи билан мудофаа вазирлиги, ички ишлар вазирлиги, миллий гвардия ресурсларидан фойдаланяпмиз, тугаб қолса нима қиламиз? Янги йилгача бир ҳафта қолди, ҳали шаҳарнинг бюджети, бюджет лойиҳаси, тасдиғи ҳам йўқ. Шаҳарни қўя турайлик, республика бюджети мавжуд эмас ҳалигача. Аввалдан бўлган 975 та ёки 1050 та, президент келаси йилга ваъда қилган қўшимча яна 1000 та автобусга етарли даражада молиявий ресурслар борлигига ишончимиз комилми? Шаҳар харажатларини ўз ҳисобидан қилиши, бюджетда жамоат транспорт харажатлари ҳам акс этиши керак.
Кейинги масала — шаҳарнинг транспорт тизимини барқарор молиялаштириш. Президент автобус ҳайдовчиларининг ойлигини ошириб берди, яхши, лекин харажат фақат ойлик маошдан иборат эмас. Ёқилғи, ювиш, сақлаш, янгилаш харажатлари ҳам бор. Бу масалалар барқарор бўлиши керак, — дейди Бакиров.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)