Энг кўп картошка импорти: декабрда Ўзбекистон бозорларидаги вазият қандай ўзгармоқда?

Ўзбекистонда 1—18 декабрь кунлари бозорларда қишлоқ хўжалиги ва гўшт маҳсулотларининг улгуржи нархлари ҳақида маълумот берилди.

Ушбу давр мобайнида бозорда қуйидаги маҳсулотлар арзонлашган:

• саримсоқ пиёз — 2,75 минг сўмга;
• банан — 2,5 минг сўмга;
• апельсин — минг сўмга;
• лавлаги — 500 сўмга.

Шунингдек, қуйидаги маҳсулотларнинг нархи ошган:

• булғор қалампири (қизил) — 5,5 минг сўмга;
• булғор қалампири (яшил), нок (маҳаллий) — 4 минг сўмга;
• олма (импорт), нок (импорт) ва нўхат — 2,5 минг сўмга;
• помидор (қизил) ҳамда гуруч (аланга) — минг сўмга;
• карам, мош ва пиёз — 500 сўмга.

Бу даврда умумий қиймати 65,5 млн долларлик (ўтган йилнинг мос даврига нисбатан 1,7 млн доллар кўп) жами 85,2 минг тонна (3,6 минг тонна кам) қишлоқ хўжалиги маҳсулотлари экспорти амалга оширилди.

1—18- декабрь кунлари қуйидаги маҳсулотлар ташқи бозорларга етказиб берилган:

• 16 минг тонна узум;
• 11,9 минг тонна хурмо;
• 11 минг тонна мош;
• 7,1 минг тонна ловия;
• 7,4 минг тонна пиёз;
• 3,9 минг тоннадан қуритилган мева;
• 3,4 минг тонна помидор;
• 2,6 минг тонна гулкарам.

Шунингдек, ушбу давр мобайнида 14,4 млн доллар (ўтган йилнинг мос даврига нисбатан 5,3 минг доллар кам) қийматидаги жами 54,8 минг тонна (20,6 минг тонна кам) қишлоқ хўжалиги маҳсулотлари, хусусан, 29,4 минг тонна картошка, 6,9 минг тонна мандарин, 6,7 минг тонна банан, 5,7 минг тонна пиёз, 1,1 минг тонна апельсин ҳамда 785 тонна киви импорт қилинган.

«Қўйлиқ» бозорига ҳудудлардан жами 11,2 минг тонна, хусусан, 5,2 минг тонна картошка, 4,7 минг тонна пиёз, 479 тонна карам ва 840 тонна сабзи келтирилган.

Хусусан, ҳудудлар ва маҳсулотлар кесимида таҳлил қилинганда:

• Самарқанддан 949 тонна, Тошкент вилоятидан 602 тонна картошка;
• Жиззахдан 1 499 тонна, Тошкент вилоятидан 1 313 тонна ва Самарқанддан 1 280 тонна пиёз;
• Тошкент вилоятидан 479 тонна карам;
• Қашқадарёдан 473 тонна, Сурхондарёдан 165 тонна, Тошкентдан 120 тонна, Бухородан 82 тонна сабзи етказиб берилган.

Шунингдек, «Қўйлиқ» бозорига Қозоғистондан 2 916 тонна, Қирғизистондан 556 тонна ва Россиядан 72 тонна картошка ҳамда Қозоғистондан 598 тонна пиёз келтирилган.

Шу билан бирга, ҳудудлардан «Чорсу» деҳқон бозорига жами 226,5 тонна, шу жумладан, 206,5 тонна мол гўшти ва 20 тонна қўй гўшти келтириб сотилган.

Мавзуга доир: Ўзбекистон картошка импортини оширди. Маҳсулот энг кўп Покистондан олиб келинмоқда