Айни вақтда Ўзбекистон президенти Шавкат Мирзиёев Олий Мажлисга мурожаатнома йўлламоқда. Бу ҳақда «Дарё» мухбири хабар берди.
Президент якунига етаётган 2022 йил ғоят мураккаб ва синовли йил бўлганини айтиб ўтди. Давлат раҳбарининг сўзларига кўра, Ўзбекистоннинг ялпи ички маҳсулоти ҳажми илк бор 80 миллиард доллардан ошди
«Кенг кўламли ва самарали ислоҳотларимиз натижасида, ялпи ички маҳсулот ҳажми илк бор 80 миллиард доллардан ошди (2018 йилда 52 миллиард доллар бўлган). Иқтисодиётимизга шу йилнинг ўзида 8 миллиард доллар тўғридан-тўғри хорижий инвестициялар кириб келди, экспортимиз эса, 19 миллиард долларга етди (2018 йилда 14 миллиард доллар бўлган). Бундай катта натижалар илгари бўлмаган», — дея қайд этди Ўзбекистон президенти.«Биз, бу йил тарихимизда илк бор пенсия ва ижтимоий нафақалар миқдорини минимал истеъмол харажатларидан кам бўлмаган даражага олиб чиқдик. Мисол учун, 2017 йилда кам таъминланган 500 минг оила ижтимоий ёрдам олган бўлса, бугунга келиб 2 миллиондан ортиқ оилаларга кўмак берилмоқда. Ажратилаётган маблағлар эса, 7 баравар кўпайтирилиб, йилига 11 триллион сўмга етди.
Биз иш ҳақи, пенсия ва нафақалар миқдорини, аҳоли жон бошига даромадларни ошириш сиёсатини изчил давом эттирамиз. Ҳар бир рақам ортида машаққатли меҳнат ётибди», — деди Шавкат Мирзиёев.
Изоҳ (0)