Бугун,

  • USD 11095.31
  • RUB 173.84
  • EUR 10772.44

«ТурСтат» портали шу йил МДҲ мамлакатлари пойтахтларига ўрнатилган энг баланд Янги йил арчалари рейтингини эълон қилди. Тошкентнинг 35 метрлик бош арчаси юқори учликка кирди.

«Янги Ўзбекистон» боғига 2022 йилни кутиб олиш арафасида ўрнатилган арча

«Янги Ўзбекистон» боғига 2022 йилни кутиб олиш арафасида ўрнатилган арча

Ушбу рейтингда биринчи ўринни Туркманистон пойтахти Ашхободдаги арча эгаллади. Баландлиги 43 метр бўлган сунъий арча пойтахтдаги «Алем» маданий-кўнгилочар маркази қаршисига ўрнатилган. Унинг ранг-баранг чироқлари 2022 йил 15 декабрь куни ёқилган эди.

Иккинчи ўринда Арманистон пойтахтидаги 37 метрлик арча жойлашди, у Еревандаги Республика майдонига 5 декабрь куни ўрнатилган.

Ўзбекистоннинг асосий арчаси эса Тошкентдаги «Янги Ўзбекистон» боғидаги «Истиқлол» мажмуасига ўрнатилган.

Шунингдек, топ ўнталикдан Бокудаги 34 метрлик, Душанбедаги 30 метрлик, Москва ва Минскдаги 27 метрлик, Остона ва Бишкекдаги 25 метрлик ҳамда Кишинёвдаги 20 метрлик арчалар ўрин олди.

Қайд этилишича, Россияда юқорида тилга олинган арчалардан ҳам баландроқ — 55 метрлик арча бор, у Красноярскдаги Татишев оролига ўрнатилган. Бироқ у мамлакатнинг бош арчаси ҳисобланмайди.

Рейтинг МДҲ мамлакатларида Янги йил арчалари баландлигини ўрганиб чиқиш асосида тузилган.

Аввалроқ Тошкент шаҳар ҳокимлиги Янги йил арафасида ва ундан кейин пойтахтнинг ҳар бир туманида арчалар ўрнатиладиган майдон ва боғлар рўйхатини эълон қилган эди. 25 декабрдан 5 январгача бу ерда болалар ва катталар учун кўнгилочар тадбирлар бўлиб ўтади.

Изоҳ
Асосий янгиликлар
Маҳаллий
Тан олинган камбағаллик. Ҳукумат муаммони қандай ҳал этмоқчи?
Дунё
Россияда урушга боришдан бош тортган маҳбусларга қўшимча жазо муддати билан таҳдид қилинмоқда — ОАВ
Саломатлик
Буйракда тошлар, гипертония: ривожланишига биргина туз сабаб бўладиган 4 та хавфли касаллик