Ўзбекистон можаролар ва қарама-қаршиликлар фақат ҳалокатли оқибатларга олиб келади, деган фикрга қатъий амал қилади. Бу ҳақда ташқи ишлар вазири Владимир Норов «Янги Ўзбекистон — ўзгарувчан ва ўзаро боғлиқ дунёда ишончли ҳамкор» мавзусидаги давра суҳбатидаги нутқида айтиб ўтди.
«Ўзбекистон можаролар ва қарама-қаршиликлар фақат ҳалокатли оқибатларга ва ғолиблар бўлмайдиган вазиятларга олиб келади, деган фикрга қатъий амал қилади. Оқилона муросага асосланган дипломатиягина барча томонларнинг манфаатларига тенг ва зиддиятсиз жавоб беради», — деган ТИВ раҳбари.
Унинг таъкидлашича, бугунги кунда прагматик ва конструктив дипломатия ғоят муҳим аҳамиятга эгалигини ҳаётнинг ўзи кўрсатмоқда.
«Ўзбекистон Республикаси президенти Шавкат Мирзиёев таъкидлаганидек, самарали халқаро ҳамкорлик дунёда барқарор, ишончли ва фаровон тараққиётнинг энг муҳим омилидир. Бу давримиз муаммоларини ҳал қилиш, фавқулодда инқирозли вазиятларни ҳал қилишнинг энг аниқ, мақбул ва самарали йўлидир», — деган Владимир Норов.
Вазирликнинг сўзларига кўра, Ўзбекистон кўп томонлама дипломатия тамойилларига қатъий риоя қилиб, халқаро институтлар билан мулоқот доирасида янги уфқларни очмоқда. Хусусан, Ўзбекистон БМТнинг глобал муаммоларни ҳал қилиш ва халқаро хавфсизликни таъминлашда марказий ролини мустаҳкамлаш тарафдоридир.
Владимир Норов «Марказий Осиё+» форматидаги мулоқотни ривожлантириш масасаларига ҳам эътибор қаратди. Унинг таъкидлашича, «Марказий Осиё+ формати» минтақавий мувозанатни мустаҳкамлаш ва сақлашга хизмат қилади.
Изоҳ (0)