«Ўзтемир йўлконтейнер» янги темир йўл йўналиши бўйича Европага юкларни етказиб беришни бошлади, деб хабар бермоқда компания матбуот хизмати.
Қайд этилишича, 16 декабрь куни «ОКМК» АЖ юклари ортилган биринчи контейнер блок поезди Болгариянинг Бургас портига юборилди.
Ушбу юк поезди мис концентратидан иборат 46 та вагон ва 91 дона 20-футлик контейнердан ташкил топган. Контейнер поезди Ўзбекистон—Туркманистон—Озарбайжон—Грузия—Болгария/Европа йўналиши бўйлаб 4000 километрдан ортиқ масофани босиб ўтади.
Ушбу поезд хорижий ҳамкорлар — Туркманистондан ТLSТ ОАЖ, Озарбайжондан АDY Container LLC ва Грузиядан GR Logistics аnd Terminals ёрдамида амалга оширилди.
Мавзуга доир: Ўзбекистонга Хитой шаҳридан биринчи юк поезди йўлга қўйилди
Изоҳ (0)