Россиянинг Украинадаги ҳарбий ҳаракатлари оқибатида 1 313 бола жабр кўрди — улардан 450 нафари ҳалок бўлган, яна 863 нафари яраланган. Бундай маълумотларни 18 декабрь куни Украина Бош прокуратураси эълон қилди.
Қайд этилишича, бу рақамлар якуний эмас, чунки фаол ҳарбий ҳаракатлар олиб борилган жойларда, вақтинча босиб олинган ва озод қилинган ҳудудларда қурбонларни аниқлаш ишлари давом этмоқда.
Энг кўп болалар Донецк вилоятида – 428, Харьковда – 267, Киевда – 117, Николаевда – 80, Запорожьеда – 78, Херсонда – 74, Черниговда – 68, Луганскда – 65, Днепрбўйида – 34 нафар жабрланган.
Россия қуролли кучларининг бомбардимони ва ўққа тутишлари оқибатида 3 126 та ўқув муассасаси зарар кўрган, улардан 337 таси бутунлай вайрон бўлган.
Изоҳ (0)