Pravila Mag портали хабар беришича, Американинг Dictionary онлайн луғати «аёл» (wоman) сўзини 2022 йил сўзи деб топди.
Луғат тузувчиларнинг фикрига кўра, 2022 йил қисман аёлларга таъсири ва аёлларнинг ҳам ўзгарувчан дунёга таъсири билан эсда қолади. Масалан, ўз ҳуқуқлари учун курашаётган эронлик аёлларнинг оммавий норозиликлари, америкалик Серена Уильямснинг профессионал теннисдан кетиши, Буюк Британия қироличаси Елизавета II нинг ўлими, АҚШда аёлларнинг аборт бўйича конституциявий ҳуқуқи бекор қилиниши ва бошқа кўплаб янгиликлар wоман сўзини бу йил энг кўп сўралаётган сўзга айлантирди.
«Бу сўз нафақат луғат бойлигимиз учун, балки инсон сифатида ким эканимизни англатиш учун ҳам аҳамиятли ҳисобланади. Бу сўз шиддатли шахсий муҳимлик ва ижтимоий баҳс-мунозаралар манбайи бўлиб қолмоқда», — деб ёзади луғат муаллифлари.
Dictionary луғатида йил сўзи учун бошқа номзодлар сифатида Украина байроғидаги эможи, «инфляция», «индамай ишдан бўшатиш», «демократия» ва «тинчлик» сўзлари бўлган.
Изоҳ (0)