«Гарри Поттер» кинонинг ҳақиқий классикасига айланди. Лекин баъзида сценарий муаллифлари ва режиссёрларга жиддий саволлар туғилади. Мисол учун, нима учун ўлим овчилари супургисиз уча олади, бошқа сеҳргарлар уча олмайди?
Нега Гарри маржондан ясалган таёқчани синдиради?
Поттер сериясининг якуний саҳналаридан бирида Гарри дунёдаги энг кучли таёқчани синдириб ташлайди. Аммо уруш тугаган бўлса, нега бундай қудратли артефактни йўқ қилиш керак? Китобда эса бош қаҳрамон таёқчани Дамблдорнинг қабрига қайтаради.
Бироқ таёқча жуда хавфли эди: у сеҳрли дунёда жуда кўп муаммоларни келтириб чиқарди. Эҳтимол, Поттер фильмда китобдан кўра ақллироқ бўлиб, сеҳргарларни дунёдаги энг кучли таёқчага эга бўлиш васвасасидан қутқаргандир?
Ҳагрид Слизерин факультетида ўқиганми?
«Гарри Поттер ва махфий ҳужра» фильмида Ҳагриднинг мактаб ҳаёти ҳақида сўз боради. Том Риддлнинг хотираларига кўра, у Рубеус билан яхши муносабатда бўлган. Бўлажак Волдемортнинг хулқ-атворини билган ҳолда, унинг қадрдон Слизеринидан бошқа бирон бир факультет талабалари билан дўст бўлиши даргумон.
Бундан ташқари, зиндонда Риддл ва Ҳагриднинг гаплашаётганини кўриш мумкин. Ўқувчилар учун у ерга бориш жуда қийин, айниқса бошқа-бошқа хоналарда яшашса. Демак, улар битта ётоқхонада яшайди, яъни Слизиринда.
Қандай қилиб Беллатриса ва Сириус Блек Азкабандан қочиб, таёқчаларини қайтариб олишади?
Ҳагридни Махфий ҳужрани очганликда айблашганда, унинг таёқчасини синдиришади. Назарий жиҳатдан, Азкабанга кирганларнинг таёқлари йўқ қилиниши керак. Айниқса, Беллатриса ва Сириус каби умрбод қамоқ жазосига ҳукм қилинган жиноятчиларникини. Аммо қандайдир тарзда уларнинг сеҳрли буюмлари қамоқдан қочиб кетганидан кейин уларга қайтарилади.
Нега Волдеморт магллар кийимини кияди?
«Гарри Поттер ва Қақнус ордени» фильмининг саҳналаридан бирида магл (оддий одам)лар билан боғлиқ бўлган ҳамма нарсадан нафратланган Волдеморт костюм-шимда пайдо бўлади. Кўпчилик буни Дамблдор томошабинлар олдида баллерина кийимида пайдо бўлгандек қабул қилади.
Бироқ бу кадр фақат Гаррининг хаёлида пайдо бўлган, балки у Гаррини шу йўл билан қўрқитмоқчи бўлгандир?
Нега Гаррининг ота-онаси Орзулар кўзгусида ўз ёшидан анча каттароқ кўринади?
Лили ва Жеймс Поттер жуда ёш вафот этади — 20 ёшда. Лекин 1-фильмда Гарри ота-онасини Орзулар ойнасида анча катта ёшда кўради. Гаррининг онаси ролини ўйнаган актриса Жеральдин Сомервилл суратга олиш вақтида 34 ёшда, экрандаги эри 43 ёшда бўлган.
Эҳтимол, ёш ота-она 11 ёшли ўғлининг ёнида жуда ғалати кўринар. Ёки Гаррининг асосий истаги кўзгуда акс этгандир — онаси ва отаси ёнида бўлиши. Ўғли 11 ёшга тўлганда Лили ва Жеймс балки шундай ёшда бўларди.
Долорес Амбриж мушукларни шунчалик яхши кўрса, нега у мушук боқмайди?
Амбриж — Поттер сериясидаги энг салбий қаҳрамонлардан бири. Шунга қарамай, у доимо ҳаммага ёқадиган жониворлар — момиққина мушукчаларни яхши кўради. Долореснинг мушуклар портретлари туширилган коллекцияси бор, у ўз офисини шулар билан безатади.
Аммо бу аёл мушукларни жуда яхши кўрса, нега ҳеч бўлмаганда биттасини боқиб олмайди? Жоан Роулингнинг сўзларига кўра, Амбриж ҳақиқий мушукчаларни ёқтирмайди ва уларни исқирт ҳайвон деб билади. Буни китоб ёки фильмда айтиб кетиш керак эди.
Нега яхши сеҳргарлар супургисиз уча олмайди, ўлим овчилари эса бу маҳоратни яхши ўзлаштирган?
Гарри Поттер фильмларида Волдеморт қўл остидагиларининг ажойиб учишини кўрамиз, китобида эса уларда бундай маҳорат йўқ бўлади. Бироқ супургисиз уча оладиган иккита сеҳргар ҳам бор: Қора Лорд ва Северус Снейп.
Жоан Роулингнинг сўзларига кўра, барча сеҳргарлар туғма учиш қобилиятига эга, аммо уларнинг кўпчилиги супургига муҳтож.
Нима учун Гриффиндор раҳбари Слизерин рангидаги либос кияди?
Minerva Макгонагалл Гриффиндор уйининг раҳбари бўлиб, уйнинг рамзий ранглари — алвон ва тилларанг. Лекин негадир ўқитувчи доим Слизериннинг ранги ҳисобланган яшил рангни афзал кўради. Поттер мухлислари ҳатто бу ҳақда бир нечта назарияларни илгари сурган.
Биринчисига кўра, Minervaнинг кийими унинг мушукка айланиш қобилиятига ишора қилади, чунки бу ҳайвоннинг кўзлари яшил. Иккинчи назария тарафдорлари Макгонагаллнинг келиб чиқиши Шотландиядан бўлганини таъкидлайди — яшил ранг тантана ранги (миллий катакли либос) эканлигини айтишади.
Мавзуга доир:
- Кино оламида катта из қолдирган, аммо фожиали тарзда вафот этган «Гарри Поттер» юлдузлари (фото)
- Фильмдаги қаҳрамонларига ўзларининг дидига ишониб кийим танлаган актёр ва актрисалар (фото)
- «Гарри Поттер» саҳнаси ортида содир бўлган воқеалар баъзан фильмнинг ўзидан ҳам қизиқроқ эканлигининг исботи (фото)
Изоҳ (0)