Тошкент ва Самарқанд ўртасида поезд қатновлари сони оширилади

Тошкент ва Самарқанд ўртасида қатновчи поездлар сони оширилади. Бу ҳақда «Ўзтемир йўлйўловчи»матбуот хизмати хабар берди.

Янги йил байрами муносабати билан йўловчиларни ташишни ташкил қилиш мақсадида Тошкент —Самарқанд—Тошкент йўналишида 2022 йил 26 декабридан ва 2023 йил 8 январигача юқори тезликда ҳаракатланувчи «Афросиёб» электропоездининг қўшимча 14 та қатновлари йўлга қўйилади.

Поездлар қуйидаги жадвал асосида ҳаракатланади:

• 767-сонли Самарқанд—Тошкент йўналиши: Самарқанд 11:06 — Тошкент 13:16
• 768-сонли Тошкент—Самарқанд йўналиши: Тошкент 13:40 — Самарқанд 15:48

Қўшимча маълумотни Тошкент шаҳридаги 1005 қисқа телефон рақами, жойлардаги темир йўл чиптахоналари ҳамда маълумотлар бюросидан билиб олиш мумкин. Эслатиб ўтамиз, чипталарни нафақат темир йўл чиптахоналаридан, балки электрон тарзда ушбу ҳавола орқали харид қилиш мумкин.

Тошкент—Урганча—Тошкент, Тошкент—Термиз—Тошкент, Тошкент—Андижон—Тошкент йўналишида ҳам қўшимча поезд қатновлари йўлга қўйилади.