Ҳужумчи Криштиану Роналду «Реал» машғулотлар базасида шуғулланмоқда.
Релево нашрининг хабарига кўра, 37 ёшли португалиялик мадридликларнинг асосий жамоаси машғулот ўтказадиган майдонда эмас, балки, мажмуа майдонларининг бирида жисмоний ҳолатини сақлаб қолиш учун ҳаракат қилмоқда.
Айни дамда Криштиану эркин агент мақомида. Ноябрь ойида у «Манчестер Юнайтед» билан шартномасини бекор қилганди.
Роналду 2009 йилдан 2018 йилга қадар «Реал» шарафини ҳимоя қилган. Жамоа билан бирга икки мартадан Ла Лига ва Испания Кубогида зафар қучган, 4 марта Чемпионлар Лигаси ғолибига айланган.
Изоҳ (0)