Сенат раиси Танзила Норбоевага ўзганинг хонадонига ўғриликка тушгани ва 12,5 минг доллар маблағни ўғирлашда гумонланаётгани айтилган аёл ИИБ ходимлари унга куч ишлатиб, айбни бўйнига қўйганини айтмоқда. Бу ҳақда аёл Тошкент шаҳар прокурорига ёзилгани айтилган шикоят аризасида маълум қилган.
Дастлабки маълумотларга кўра, 37 ёшли гумонланувчи Д.Т. Мирзо Улуғбек туманида жойлашган, махсус қўриқловга олинган Дўрмон комплексидаги 22-уйда энага сифатида ишлаб келган бўлиб, 2 ноябрдан 6 ноябргача бўлган навбатчилик вақтида уйдаги жавон ичидан уй бекасига тегишли 12,5 минг долларни яширин равишда талон-торож қилганликда гумон қилинган. Ва 2022 йил 26 ноябрь куни гумонланувчи сифатида жиноят ишига жалб этилган. Гумонланувчига 2022 йилнинг 2 декабрь куни Мирзо Улуғбек тумани прокурори илтимосномаси билан Жиноят ишлари бўйича Мирзо Улуғбек тумани суди ажримига мувофиқ қамоққа олиш эҳтиёт чораси қўлланилган.
Инсон ҳуқуқлари «Эзгулик» жамияти раиси Абдураҳмон Ташанов томонидан «Дарё»га тақдим қилинган ҳужжатларда ёзилишича, гумонланувчи аёл 2022 йилнинг 7 декабрь куни соат 15:50 да ҳуқуқни муҳофаза қилувчи орган, манбаларнинг маълумот беришича Тошкент шаҳар прокурорига ариза ёзиб, 2022 йил 2 декабрдан гумонланувчи сифатида Тошкент шаҳар ИИББнинг вақтинча сақлаш хонасида ушлаб турилганини, 5 декабрь куни соат 6:00 ларда эса Дилмурод исмли терговчи ҳамроҳлигида вақтинча сақлаш биносининг тўртинчи қаватига олиб чиқилиб, айбини бўйнига олиши учун қийноққа солинганини маълум қилган.
2022 йил 5 декабрь куни соат 6:00 ларда мени Дилмурод терговчи хонасига олиб борди. У ерда Мирзо Улуғбек туман ИИБ Жиноят қидирув бўлими ходими Бекзод келиб, Дилмуродни тергов бўлими ходими деб айтди. Дилмуроднинг хонаси тўртинчи қаватга олиб чиқди. У ерда менга аввал яхши гапиришди, кейин Бекзод менга бақирди ва чап оёғимни оёғи билан босди. Кейин менга жисмоний машқлар қилдирди ва жисмоний зарар етказди. Елкамга, қўлимга мушт қилиб урди. Кейин менга ҳозир кийимингни еч, расмга олиб эрингга жўнатаман, деб мажбурлади. Мен улардан бу ишни қилмаслигини сўрадим.«Дарё» гумонланувчи аёл томонидан ёзилган шикоят хатидаги «Босим ўтказиб, қийноққа солаётган ушбу ходимларга нисбатан текширув ўтказиб, қонуний чора кўришингизни сўрайман», деган жумлаларга қандай жавоб бўлганини билиш мақсадида Бош прокуратура ахборот хизмати билан боғланиб, ариза ҳақиқатан ҳам Тошкент шаҳар прокурорига ёзилганига аниқлик киритишга уринди.Ҳозирда касал эканимни айтдим. Кейин улар буни инобатга олиб, ўтқазишди ва қўлимга қоғоз тутқазишди. Улар менга ўғриликни бўйнингга ол, 100 доллар олган бўлсанг ҳам ёз дейишди. Улар шундай қилсам, мени чиқариб юборишларини айтишди. Мен эса пул олмаганимни айтдим. Улар шундан кейин сен билан эртага гаплашамиз, дейишди, — дейилади гумонланувчи аёлнинг Тошкент шаҳар прокуратурасига ёзилгани айтилган аризасида.
Бош прокуратура ахборот хизмати раҳбари Ҳаёт Шамсутдинов «Дарё»нинг бу ҳақдаги сўровига жавобан мазкур аризага аниқлик киритишини ва бу ҳақда батафсил ахборот беришини билдирди.
«Дарё» гумонланувчи аёл билан ҳам суҳбатлашишга уринди. Аёлнинг шахсий телефонига жавоб берган унинг яқини ҳозирда ҳеч қандай муаммо йўқлигини, барчаси изига тушганини билдирди.
Нашрнинг бошқа манбасига кўра, 12,5 минг долларидан айрилгани айтилаётган жабрланувчи ариза берган кунининг эртасига яна ҳуқуқни муҳофаза қилувчи органга мурожаат қилиб, даъвоси йўқлигини билдириб, аризасини қайтариб олган. Ҳамда 12,5 минг доллардан воз кечган. Гумонланувчи ўша куннинг ўзида қўйиб юборилган.Бу воқеа ижтимоий тармоқларда тарқалишидан анча олдин якунланган эди, — дейди «Дарё»нинг Сенат раисига яқин манбаларидан бири.«Дарё» воқеалар ривожини кузатишда давом этади.
Изоҳ (0)