Айрим фирибгарлар чет элга ишлаш учун юборишини айтиб фуқаролардан 6 минг долларгача пул олмоқда. Алданганлар пулдан ҳам, хорижда ишлашдан ҳам қуруқ қолмоқда. Бу ҳақда АОКАда бўлиб ўтган матбуот анжуманида Бандлик ва меҳнат муносабатлари вазирлиги бошқарма бошлиғи Зоҳид Асқаров маълум қилди
Зоҳид Асқаровнинг таъкидлашича, айрим одамлар чет элга ноқонуний кетишга интилгани ортидан алданиб қолмоқда.
Бу ҳозирги кундаги энг оғриқли муаммолардан бири. Вазирлик ва Ташқи меҳнат миграцияси агентлигининг расмий манбаларида фуқароларни чет элда ишлашга ноқонуний юборишга уринаётганларга алданиб қолмаслик бўйича огоҳлантирувчи ахборотлар бериб борамиз. Қолаверса, вазирлик сайтида қонуний ишлаётган хусусий бандлик агентликлари реестри ҳам кўратилган.Аввалроқ Россияда 200 минг нафар ўзбекистонлик норасмий ишлаётгани маълум қилинганди.Ўзбекистонда хусусий бандлик агентликлари тўғрисидаги қонунга кўра, ҳозирда республика бўйича 7 та юридик шахс хорижда меҳнат фаолиятини олиб бормоқчи бўлган фуқароларни ишга жойлаштириш ҳуқуқига эга. Уларга вазирликнинг тегишли лицензия берилган. Қонунда бундай агентликлар кўрсатган хизматлари учун фуқаролардан пул олишга ҳақи йўқлиги белгилаб қўйилган. Яъни улар фақат ахборот ва маслаҳат хизматлари учун БҲМнинг 1 баравари миқдорида, яъни 300 минг сўм пул олишга ҳақли холос. Бундан ортиқ бир сўм ҳам олишга ҳақли эмас.
Афсуски, сўнгги пайтларда консалтинг хизмати, ишчи виза олиб бериш хизмати, деган турли хил хизматларни кўрсатиш ниқоби остида фуқаролардан 1 миллион сўмдан 5-6 минг АҚШ долларигача пул олиш ҳолатлари кўпаймоқда. Бу борада келиб тушган мурожатлар асосида текширишлар ўтказиб, ноқонуний фаолият юритаётган ташкилотларга нисбатан чоралар кўриляпти. Яъни қонун билан белгиланган маъмурий жарималар мавжуд.
Қарс икки қўлдан чиқади. Талаб бор жойда таклиф бўлади. Фуқароларга расмий агентлик ўтказаётган танловларга келиб, кетинглар дейилса, тўғри йўл туриб, атрофдан бошқа йўлларни қидиришни бошлашади. Бу аслида бепул кўрсатиладиган хизмат эканини доим айтамиз. Агарда шундай ҳолатлар бўлса, вазирлик ва агентликка мурожаат қилиш зарур. Биз албатта, фуқароларга ноқонуний ишлаётганлар устидан ҳуқуқни муҳофаза қилишувчи органларга мурожаат қилишга кўмак берамиз. Эндиликда сайтларда жойлаштирилаётган лицензиясиз, ноқонуний ишлаётган юридик шахсларни аниқлаб, улардан фуқароларни ижтимоий тармоқлардаги саҳифаларимизда доимий огоҳлантириб борамиз.
Изоҳ (1)
Ассалому алайкум биз бу йил Бандликка кумаклашишдан Сербия республикасига ишлашга боргандин ташки мехнат миграциясидагилар хам хеч сора курмай юзлаган ватандошларимиз ишсиз кайтиб куписини мажбур кайтариб юборишди хаммаси куз буйамачилик