Иорданиянинг Jordan Aviation авиакомпанияси илк бор Ўзбекистонга парвозларни йўлга қўйди

Иорданиянинг Jordan Aviation авиакомпанияси Амман—Тошкент—Амман йўналишида қатновларни йўлга қўйди. Бу ҳақда Uzbekistan Airports матбуот хизмати хабар берди.

Маълум қилинишича, 14 декабрь куни ушбу авиакомпаниянинг илк самолёти Тошкент халқаро аэропортига келиб қўнди.

Тошкент ва Амман ўртасидаги рейслар чартер асосида икки ҳафтада бир марта Boeing-767 самолётларида амалга оширилиши режалаштирилган.

Jordan Aviation — штаб-квартираси Амманда жойлашган Иордания авиакомпанияси. Компания чартер рейсларини амалга оширишдан ташқари, БМТ тинчликпарвар миссиялари учун ҳаво транспортини таъминловчи муҳим авиакомпания ҳисобланади.

Мавзуга доир: Air Arabia Абу-Дабидан Тошкентга авиақатновларни йўлга қўйди