Сурхондарё вилоятининг Ангор туманида Lada Samara ҳайдовчиси маст ҳолда йўлда ётган пиёдани босиб кетиб, унинг ўлимига сабабчи бўлди.
Вилоят ИИБ матбуот хизмати хабарига кўра, воқеа 12 декабрь куни соат 19:30 ларда юз берган. Ҳайдовчи биринчи ёрдам кўрсатмасдан ҳодиса жойидан қочиб кетган. ЙТҲ оқибатида оғир тан жароҳати олган 46 ёшли фуқаро шу жойнинг ўзида вафот этган.
Қайд этилишича, ҳодисага йўлда ажратувчи чизиқларнинг чизилмагани ва тунги ёритиш чироқларининг йўқлиги ҳам сабаб бўлган.
Ҳолат юзасидан Жиноят кодексининг 266-моддаси 2-қисми (транспорт воситаларини ёки улардан фойдаланиш хавфсизлиги қоидаларини бузиш одам ўлимига сабаб бўлиши) ва 117-моддаси 2-қисми (хавф остида қолдириш) билан жиноят иши қўзғатилган.
Мавзуга доир: Қаршида 13 ёшли қизни уриб юбориб, воқеа жойидан қочиб кетган Cobalt ҳайдовчи топилди
Изоҳ (0)