Нидерландиянинг баъзи шаҳарлар расмийлари ЖЧ—2022 ярим финалидан ўрин олган Марокаш—Франция баҳсини кўрсатишдан бош тортди.
НУ.нл хабарига кўра, тартибсизликлар келиб чиқиши мумкинлиги учун Амстердам, Гаага, Роттердам ва Утрехтда Африка терма жамоасининг Франция билан ўйини катта экранларда намойиш этилмайди.
Ушбу шаҳарларнинг баъзиларида аллақачон полиция кўчаларда назоратни кучайтирганини эълон қилган, қолган шаҳарларда эса бу муҳокама қилинмоқда.
«Тартибсизлик келтириб чиқарувчилар футбол мухлисларидан иборат оломондан бошпана сифатида фойдаланиши мумкин. Майдонларда эса биз яхши ниятли одамларни ёмон ниятли одамлардан ажрата олмаймиз», — дея таъкидлади Гаага муниципалитети.
Марокашнинг ярим финалдаги ўйини 14 декабрь кунига мўлжалланган.
Изоҳ (0)