Франция президенти Эммануэль Макроннинг «Уйғониш даври» партияси офислари ва Париждаги McKinsey штаб-квартираси тинтув қилинди. Бу ҳақда France 24 хабар берди.
Маълум қилинишича, тинтув 2017 йилги Макроннинг сайловолди кампаниясини Америка консалтинг компанияси томонидан молиялаштириш иши билан боғлиқ. Партия фойдали бўлиши мумкин бўлган ҳар қандай маълумотни тақдим этишга тайёрлигини билдирган.
Ноябрь ойида миллий молия прокуратураси сайлов кампанияси АҚШнинг McKinsey консалтинг фирмаси томонидан ноқонуний молиялаштирилгани бўйича президент Макронга нисбатан тергов бошлаган. Тергов уч судьяга топширилган, улар биринчи навбатда Макрон ва McKinsey ўртасидаги алоқаларни текширади.
Макроннинг ўзи тергов ҳақида ОАВ орқали билганини айтиб, 2017 йилги кампания ҳисоб аккаунтлари аллақачон текширилгани ва бу иш ҳақида «ҳеч ким ёзмагани ва қўнғироқ қилмаганини» қўшимча қилган.
Мавзуга доир: Дональд Трампнинг Флоридадаги уйи ФҚБ томонидан тинтув қилинди
Изоҳ (0)