Беларусь Шанхай Ҳамкорлик Ташкилотига (ШҲТ) аъзо бўлиш жараёнини тезлаштиради. Бу ҳақда мамлакат бош вазири Роман Головченкога таяниб, Спутник хабар берди.
Сиёсатчи Беларуснинг янги ташқи ишлар вазири Сергей Алейникни вазирлик ходимларига таништираётганда ШҲТга интеграциялашув жараёнини «максимал фаоллаштириш» зарурлигини айтди. Головченко Россия ва МДҲ, ЕИI ва ШҲТ каби иттифоқлар билан интеграцияни «алоҳида диққат марказида» сақлашга чақирган.
«Иштирокимиз мавжуд бўлган ташкилотларда манфаатларимизни ҳимоя қилинг. Шунингдек, ШҲТга қўшилиш жараёнини максимал даражада фаоллаштиринг», — деган Головченко.
Бош вазирнинг сўзларига кўра, Беларусь ташқи ишлар вазирлигининг коллектив Ғарб билан шуғулланувчи бўлинмалари сони қисқариши, МДҲ давлатлари ва Хитойдаги элчихоналарники эса кучайиши зарур.
Маълумот ўрнида, 13 декабрь куни Беларусь президенти Александр Лукашенко янги ташқи ишлар вазири этиб Сергей Алейникни тайинлади. Бунгача мазкур лавозимда Владимир Макей фаолият олиб борган. Бироқ сиёсатчи 26 ноябрь куни тўсатдан вафот этганди. ОАВ унинг ўлимига юрук хуружи сабаб бўлганини айтган, бироқ айрим расмиялр унга суиқасд бўлганини таъкидламоқда.
Изоҳ (0)