Генерал-лейтенант Роберт Магован Буюк Британия денгиз пиёда қўшинлари ҳарбий хизматчилари Украинада «юқори даражали сиёсий ва ҳарбий хавфга эга» махфий операцияларда қатнашаётганини маълум қилди. Бу ҳақда The Times газетаси генералнинг Globe анд Лаурел денгиз пиёдалари журнали учун ёзган мақоласига таяниб хабар бермоқда. Генерал бу қўшинларга 2021 йил апрелидан 2022 йил майигача қўмондонлик қилган.
Роберт Магованнинг сўзларига кўра, 350 дан ортиқ денгиз пиёдалари Украинага йил бошида, Россия махсус операция ҳақида эълон қилишидан аввалроқ юборилган. Бу Британиянинг Киевдаги элчихонаси дипломатларини қўриқлаш учун қилинган.
Британия Ҳарбий-денгиз кучлари вакили Times’га маълум қилишича, денгиз пиёдалари Украинага Буюк Британиянинг мамлакатдаги дипломатик иштирокини қўллаб-қувватлаш учун жўнатилган ва жанговар функцияларни бажармаган.
Аввалроқ Россия Мудофаа вазирлиги британиялик ҳарбийларни октябрь ойида Қора денгиз флоти инфратузилмасига берилган зарбаларга алоқадорликда айблаган эди. Буюк Британия Мудофаа вазирлиги эса айбловларни рад этди.
Изоҳ (0)