Украина президенти Владимир Зеленский G7 мамлакатлари етакчиалрига мурожаатида «Украинада тинчлик ўрнатилишини тезлаштириш» бўйича ўз режасини таклиф қилди, деб ёзади «Коммерсантъ». У Киевга янги турдаги қурол-яроғ етказиб беришни, энергетик ва молиявий кўмакни ҳамда Украина томонидан илгари сурилган 10 бандли «тинчлик формуласи»дан иборат бўлган «янги дипломатия»ни ўз ичига олади.
«Эришилган ҳамжиҳатликни сақлаб қолишни сўрайман, Россия тажовузини давом эттиряпти, демак, Украинани қўллаб-қувватлаш ҳам давом этиши керак. Келаси йилда ҳам — худди шу йилгидек. Аммо бундан ташқари, биз анчадан буён кутилаётган —тинчлик ўрнатилишини тезлаштирадиган қадамларни ҳам ташлашимиз керак», — деди Зеленский. Видеомурожаат Украина президенти сайтига жойланди.
Зеленскийнинг «тинчлик ўрнатилишини тезлаштириш» учун режаси қуйидагича:
- Биринчи қадам — «янги куч». Украина президенти айтишича, Россия артиллерия ва ракеталар бўйича устунликни сақламоқда. Шу муносабат билан Киев танклар, сртиллерия, снарядлар, шу жумладан, узоқ масофали ракеталар етказиб берилишини сўрамоқда.
- Иккинчи қадам — «янгича мустаҳкамлик». У «энергетик, молиявий ва ижтимоий барқарорлик»ни сақлаб қолишни ўз ичига олади. Киев иттифоқдошларини энергие таъминотидаги муаммолар туфайли, газ етказиб беришни оширишга чақирмоқда. Гап 2 миллиард кубометр газ ҳақида бормоқда. Шунингдек, Украина президенти ўз мамлакатини қайта тикланишда фаолроқ қўллаб-қувватлашга чақирди.
- Учинчи қадам — «янги дипломатия». Владимир Зеленский «барча одамларимиз ва ҳудудларимизнинг озод этилишини тезлаштириш учун дипломатиядан фойдаланиш имконияти»ни ҳис қилаётганини айтди. У ўзининг «тинчлик формуласи»ни амалга ошириш бўйича чора-тадбирларни белгилаб олиш учун Global Peace Formula Summit махсус саммитини ташкиллаштиришни таклиф қилди. У 10 та банддан иборат бўлиб, Россия қўшинларининг олиб кетилиши ва Украина ҳудудий яхлитлигининг қайта тикланишини ҳам ўз ичига олади.
Изоҳ (0)